نيوز برو : تعرف على أنظمة الطاقة الشمسية لاختيار المناسب لبيتك..اعرف التفاصيل

نشرت الشركة القابضة لكهرباء مصر عبر صفحتها الرسمية على موقع التواصل الاجتماعي فيس بوك ، ضمن حملتها “كفاءة يا طاقة” بعض المعلومات التى توضح الفرق بين أنظمة الطاقة الشمسية لمساعدة المشتركين فى اختيار الأنسب لمنزلهم وهى كالآتى:

– أولا On-Grid – وهى مرتبطة بشبكة الكهرباء، وأهم مميزتها:

1-  بتغذي بيتك مباشرة بالكهرباء.

2- أي فائض فيها بيرجع للشبكة من خلال عداد ثنائي الاتجاه.

3- أوفر في التكلفة لأنك مش محتاج بطاريات.

4- مناسبة أكتر للمدن أو المناطق اللي الكهرباء فيها مستقرة.

و ينصح وقت التأسيس بالمنزل التأكد  إن عدادك بيدعم صافي القياس (Net Metering)  لحساب استهلاكك و بيع الفائض بسهولة، والشركة بتغير عدادك للعداد لما تبدء في اجراءات التركيب.

– ثانيا : Off-Grid – و تحتاج معاها بطاريات، وأهم مميزاتها:

1- بتعتمد كليًا على الألواح الشمسية + البطاريات.

2- بتقدر تخزن الطاقة ليل ونهار من غير ما تحتاج ترجع للشبكة.

3- ودي مناسبة أكتر للأماكن البعيدة اللي مافيهاش كهرباء.

4- تكلفتها كمان نسبيًا أعلى، وصيانتها بتكون أدق بسبب البطاريات.

وينصح وقت التأسيس تركيب  Off-Grid لأماكن بعيدة عن العمار مبتوصلهش شبكات التوزيع، وحاول تستثمر في بطاريات ليثيوم بدل الرصاص، لأنه عمرها أطول وكفاءتها أعلى.

‏- ثالثا : Hybrid – أو النظام الهجين، وأهم مميزاته:

1- بيجمع بين الاثنين: شبكة + بطاريات.

2- كمان بيوفر كهرباء طول اليوم، ولو حصل انقطاع الشبكة البطاريات تشتغل فورًا.

3- غير إنه مرن جدًا ومناسب للبيوت والمناطق اللي ممكن يحصل فيها انقطاعات متكررة.

و ينصح وقت التأسيس اختيار إنفرتر (Inverter) ذكي بيدعم التحويل التلقائي بين الشبكة والبطارية من غير ما تحس بأي فرق.